Helsestasjons- og skulehelsetenesta i Gol kommune består av eit tverrfagleg og kompetent team som dekkjer helsestasjon 0–5 år, skulehelseteneste på barne- og ungdomstrinnet, helsestasjon for ungdom, jordmorteneste og Helsestasjon for Ungdom (HFU).

Vi arbeider helsefremjande og førebyggjande med mål om å sikre tryggleik, meistring og god helse gjennom heile oppveksten. Vi er i ferd med å samorganisere og samlokalisere oss med andre førebyggjande tenester for barn og unge, mellom anna psykisk helse.

Arbeidsoppgåver

• Spennande oppgåver innan helsefremjande og førebyggjande arbeid med fokus på å skape tryggleik og trivsel for barn og unge
• Gjennomføre helseundersøkingar, individuell oppfølging og vaksinering i tråd med nasjonale retningslinjer
• Tett samarbeid med føresette, barnehage, skule, PPT, barnevern, kollegaer i Helse barn og unge og andre relevante samarbeidspartnarar
• Bidra til at tenesta følgjer lovverk, nasjonale faglege retningslinjer og god kommunal praksis
• Delta i tverrfagleg samarbeid internt og eksternt
• Delta i den daglege drifta av tenesta som helsesjukepleiar/sjukepleiar
• Rapportering og samarbeid med verksemdsleiar

Kvalifikasjonar

• Offentleg godkjend sjukepleiar med vidareutdanning som helsesjukepleiar
• Offentleg godkjend sjukepleiar kan òg søkje
• Erfaring frå helsestasjon eller skulehelseteneste
• God kjennskap til relevant lovverk og nasjonale retningslinjer
• Gode digitale ferdigheiter og systemforståing
• Gode norskkunnskapar, både munnleg og skriftleg

Ønskte kvalifikasjonar

• Erfaring med arbeid med barn og unge, rettleiing
• Erfaring frå tverrfagleg samarbeid
• Initiativrik og trygg i rolla
• Strukturert og sjølvstendig

Personlege eigenskapar

• Fagleg trygg og tydeleg
• Systematisk og utviklingsorientert
• Motiverande og støttande
• Gode samarbeids- og kommunikasjonsevner
• Engasjement for barn og unge si helse og utvikling
• Personleg eignaheit blir vektlagd

Vi tilbyr

• Ei spennande og utviklande rolle i ei teneste i vekst
• Eit inkluderande og tverrfagleg arbeidsmiljø
• Moglegheit til å påverke fagleg retning og utvikling
• Gode pensjonsordningar
• Lønn etter avtale

Søknad

Vi ber om at elektronisk søknadsskjema blir nytta.
Trykk på den grøne knappen øvst til høgre: Send søknad, godta personvernvilkåra og trykk Neste (du treng ikkje opprette brukar på førehand).
Godkjende kopiar av vitnemål og attestar skal takast med dersom du blir kalla inn til intervju. Ansiennitet blir berekna på grunnlag av desse.
Alle søkjarar vil få kvittering på at søknaden er motteken, føresett at rett e-postadresse er oppgitt i søknaden.

Søknadsfrist: 01.06.26