Det er ledig to stillingar som barne- og ungdomsarbeidar/assistent i Nybø barnehage. Me held til i Leikanger, om lag 20 kilometer frå Sogndal sentrum.

I barnehageåret som går no, har me 53 barn fordelte på tre avdelingar. Me har to aldersblanda einingar i Fylkesmannsgarden og ei småbarnseining i Sorenskrivargarden.

Begge bygga er frå midten av 1800-talet, med sjel og eit koseleg miljø. Barnehagen ligg fint til i solrike omgjevnadar heilt nede ved fjorden. Her har me kort veg til natur med skog og mark, badestrand, sentrum, idrettshall og andre funksjonar. Temaet for barnehageåret 2025/2026 er friluftsliv og matglede.

Hos oss møter du eit fagleg sterkt miljø med 16 tilsette, og ein god miks i alder. Leiinga består av styrar og assisterande styrar.

No ser me etter ein fagleg og engasjert barne- og ungdomsarbeidar eller assistent. Du er relasjonssterk og inkluderande, og har lyst til å bli ein del av ein velfungerande barnehage.

Me har no følgjande ledige stillingar:
- Fagarbeidar/assistent, 100% vikariat 01.08.2026 - 31.12.2026 med moglegheit for utviding til 31.07.2027
- Fagarbeidar/assistent, 100% vikariat 01.08.2026 – 31.07.2027

 Det kan kome fleire stillingar som vert ledige i løpet av våren.

Arbeidsoppgåver: 

• Sikra eit inkluderande, inspirerande og utviklande leike- og læringsmiljø
• Medverka til gode prosessar i det pedagogiske arbeidet 
• Personalressurs og drift i barnehagen
• Bidra til eit godt samarbeid med føresette 

Kvalifikasjonar: 

• Barne- og ungdomsarbeidar, men ufaglærte med relevant praksis kan også søkje 
• Gjerne arbeidserfaring frå barnehage
• Beherske norsk godt, både skriftleg og munnleg 
• Menn vert oppmoda om å søkje
• Personlege eigenskapar og relevant arbeidserfaring vil bli vektlagt

Personlege eigenskapar: 

• Positiv, inkluderande og glad i nye utfordringar
• Fagleg engasjert, tek initiativ og ansvar 
• Evnar å skapa gode relasjonar i barnegruppa med føresette og kollegaer
• Likar å arbeida i lag med andre
• Taklar høgt tempo i kvardagen
• Godt humør
• Leiken og aktiv
• Taklar høgt tempo i kvardagen

 Me tilbyr: 

• Ein spanande jobb i eit godt arbeidsmiljø 
• Eit pedagogisk miljø med høgt fagleg nivå  
• Engasjerte og støttande kollegaer  
• Leiarstøtte og opplæring i Sogndal kommune sine program og IT-verktøy 
• Gode pensjons- og forsikringsvilkår 

Sogndal kommune er stor nok til mangfald, og liten nok til å gje oversikt, tryggleik og nærleik til det meste. I kommunen er det totalt 14 barnehagar, der 11 av barnehagane er kommunale barnehagar.

Du kan bli betre kjend med Sogndal kommune og barnehagen her:
Oppvekst og utdanning - Sogndal kommune
Nybø barnehage - Sogndal kommune  

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Politiattest av ny dato må leggast fram før tilsetjing. 

Søknadar må leverast innan fristen og sendast via rekrutteringssystemet vårt, Easycruit.