Vi har ledig 100 % fast stilling som barne- og ungdomsarbeidar i Flekke barnehage med oppstart 1. oktober 2025.

Vi ser etter deg som har ekstra lyst til å lage gode kvardagar for store og små og vi ynskjer at du er god på å bygge relasjonar til barna og deira føresette.

Flekke barnehage har for tida 36 barn fordelt på tre avdelingar. Barnehagen er lokalisert i same bygg som skulen, og vi har difor ekstra tett samarbeid med skulen.  Vi ligg fint til nær sjø og skog, og har som mål å vere mykje utandørs uansett om det er sol eller det bles og regnar. Uteområdet vårt har både tilrettelagde og naturlege utfordringar for fin og variert leik.

 

Kvalifikasjonar

• Fagbrev innan barne- og ungdomsarbeidarfaget. Annan relevant utdanning og erfaring kan bli vurdert.
• Erfaring frå arbeid med barn og unge er ynskjeleg, men ikkje eit absolutt krav
• Meistre norsk skriftleg og munnleg
• Den som vert tilsett må legge fram godkjend politi- og tuberkulinattest før tiltreding

 

Personlege eigenskapar

• Gode samarbeids- og kommunikasjonsevner
• Har godt samspel med barn og vaksne
• Evner å arbeide løysingsorientert i eit hektisk og aktivt miljø og samstundes ha eit godt humør.

Vi legg vekt på at du er personleg egna til stillinga

 

Vi tilbyr

• Introduksjonsprogram for nytilsette
• Ein variert og kjekk kvardag
• Løn etter kvalifikasjonar og ansiennitet
• Gode pensjons- og forsikringsordningar
• Godt arbeidsmiljø med trivelege kollegaer

 

Kommunen er oppteken av at ein skal ha balanse mellom kjønna i eit kollegium, og menn vert føretrekt under elles like føresetnader.

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.

 

Ta gjerne kontakt med oss om du har spørsmål om stillinga eller arbeidsplassen. Vi ser fram til å høyre i frå deg.