Fjaler kommune har ledig 100 % stilling som helsesjukepleiar. Fjaler helsestasjon har 3 helsesjukepleiarar fordelt på 2,7 årsverk i tillegg til jordmor og lege. Helsestasjonen ligg under helsetenesta saman med legekontoret, fysio- og ergo og psykisk helse. Vi flyttar om kort tid over i nye lokaler og vert samlokalisert med legekontor og psykisk helseteneste.

I helsetenesta har vi ei nyoppretta eining Barn, unge og familiar som mellom anna har kompetanse på foreldrerettleiing, koordinering av tenester til barn og unge og behandlarfunksjon. Denne eininga og helsestasjonen er nære samhandlingspartnarar. Vi er i gang med å implementere verktøyet BTI (Betre tverrfagleg innsats). Helsesjukepleiarane har ei sentral rolle inn i dette arbeidet.

Vi søkjer ny medarbeidar, der følgjande arbeidsoppgåver kan inngå:

• oppgåver i helsestasjon 0-5 år, skulehelseteneste og helsestasjon for ungdom som skissert nasjonale retningslinjer for helsestasjon og skulehelseteneste
• direkte arbeid med born og ungdom og deira familiar
• foreldrerettleiing
• fokus på tverrfagleg samarbeid og tidleg innsats
  
  

Kvalifikasjonar:

• offentleg godkjent helsesjukepleiar
• sjukepleiar som er under utdanning til helsesjukepleiar og er ferdig utdanna innan sommaren 2026 kan også søkje på stillinga og blir vurdert
• den som vert tilsett må legge fram politi- og tuberkulinattest før tiltreding
• førarkort klasse B 
• god norsk munnleg og skriftleg framstillingsevne
  
  

Personlege eigenskapar:

• interesse og engasjement for arbeid med barn og ungdom og deira familie
• gode kommunikasjons- og samarbeidsevner
• omgjengeleg, strukturert, målretta og fagleg engasjert
• evne til å arbeide sjølvstendig så vel som i team
• ha ein positiv og løysingsorientert tilnærming til utfordringar
  
  

Vi tilbyr:

• ein meiningsfull arbeidskvardag saman med engasjerte og trivelege kollegaer
• varierte og utfordrande oppgåver i arbeid med born, unge og deira familiar
• leiing som er nær 
• kompetansetillegg for relevant vidareutdanning 
• gode pensjons- og forsikringsordningar
  
  
  

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.