Sogndal kommune satsar på styrkinga av psykisk helse blant barn og unge og søker engasjerte og fagleg sterke kommunepsykologar. Me har ledig: 

• Ei fast stilling i 100 % 

• Eit vikariat i 100 % for eitt år 

Som kommunepsykolog vil du bli del av eit tverrfagleg team med høg kompetanse og stort engasjement for barn og unge sin psykiske helse. Stillinga er knytt til helsestasjonen sitt tilbod: Barn-, ungdom- og familiestøtte. Dette er eit nyetablert lågterskel psykisk helsetilbod for barn og unge (0–20 år) og deira foreldre. Tilbodet omfattar individuell oppfølging, gruppetilbod, foreldrerettleiing og støtte til tilsette. 

Som kommunepsykolog vil du bidra til å utvikle eit samordna psykisk helsearbeid i tett samarbeid med skulehelseteneste, helsestasjon og andre fagmiljø. Du vert del av eit tverrfagleg team med bl.a. psykolog, familierettleiarar, pedagogar og ungdomslosar, og vil jobbe både førebyggjande, helsefremjande og behandlande. Som del av det tverrfaglege teamet vil du spele ei sentral rolle i å styrke primærhelsetenesta ved å følgje opp barn og unge som står i fare for, eller har utvikla psykiske plagar. Me jobber etter den tverrfaglege modellen "Betre tverrfagleg innsats".  

Arbeidsoppgåver  

• Tverrfagleg samarbeid med andre kommunale instansar og tilsette som arbeider med barn og unge.  

• Vere ein fagleg ressurs i enkeltsaker og systemarbeid. 

• Klinisk arbeid med barn, ungdom og deira familiar.  

• Utvikle og implementere førebyggjande og behandlingsretta tiltak i samarbeid med andre tenester. 

• Samarbeid med og tilvising til spesialisthelsetenesta.  

• Styrke kommunen sin kompetanse på psykisk helse gjennom undervisning og rettleiing.  

• Bidra til fagutvikling og systemisk utviklingsarbeid.   
  
  

Kvalifikasjonar  

• Norsk autorisasjon som psykolog  

• Relevant yrkeserfaring vil bli vektlagt   

• Kompetanse eller erfaring med utviklingsarbeid og rettleiing er ynskeleg, men ikkje eit krav  

• Førarkort klasse B  

• Gyldig politiattest  

• Gode norskkunnskapar, munnleg og skriftleg

Me tilbyr 

• Ein meiningsfylt jobb der du bidrar med å styrke det psykiske helsearbeidet for barn og unge  

• Samarbeid i eit engasjert tverrfagleg team  

• Godt samarbeid med andre tenester i kommunen  

• Opplæring, rettleiing og støtte i jobben  

• Moglegheit for fagleg utvikling og kompetanseheving  

• Varierte arbeidsdagar og fleksitid   

• Gode pensjons- og forsikringsordningar  

• Ein arbeidskvardag i naturskjønne omgjevnadar – med nærleik til fjord, fjell og eit rikt utval av friluftsaktivitetar året rundt 
  

Reiseverksemd i heile kommunen må påreknast.  

Om Sogndal kommune  

Sogndal kommune ligg vakkert til ved Sognefjorden og er ein kommune i vekst. Her finn du eit rikt kultur- og idrettsliv, gode oppvekstvilkår og eit sterkt fagmiljø innan helse og oppvekst. Kommunen satsar aktivt på førebygging og tidleg innsats, og legg til rette for både fagleg og personleg utvikling. 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.    
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.